ગર્ભાવસ્થામાં સામાન્ય લાગતું હાઈ બ્લડ પ્રેશર માતા માટે છે ખતરાની સંદેશ, રિસર્ચમાં થયું સાબિત

વિશિંગટન : ગર્ભાવસ્થા દરમિયાન બ્લડ પ્રેશરમાં વધઘટ સામાન્ય ગણાતી હોય છે, પરંતુ તાજેતરના રિસર્ચમાં કેટલીક નવી માહિતી બહાર આવી છે. નવા અધ્યયન મુજબ, જે મહિલાઓને ગર્ભાવસ્થા દરમિયાન હાઈ બ્લડ પ્રેશર હોય છે તેઓ હૃદયને લગતા રોગોનું વધારે જોખમ ધરાવે છે.

આ દાવો આંતરરાષ્ટ્રીય રિસર્ચર્સની ટીમે કર્યો છે. ગર્ભાવસ્થા દરમિયાન લગભગ 1 થી 6 ટકા સ્ત્રીઓ હાઈ બ્લડ પ્રેશરની ફરિયાદ કરે છે, જે ડિલિવરી પછી સામાન્ય થઇ જાય છે. તે સગર્ભાવસ્થાના હાયપરટેન્શન અથવા ગર્ભાવસ્થા-પ્રેરિત હાયપરટેન્શન તરીકે પણ ઓળખાય છે.

ડોકટરો એવું પણ માને છે કે જે સ્ત્રીઓને સગર્ભાવસ્થામાં હાયપરટેન્શન હોય છે, તેમને પછીથી હૃદયરોગ થવાની સંભાવના વધારે હોય છે. સંશોધનકારોની આંતરરાષ્ટ્રીય ટીમે આ વિષય પર વધુ માહિતી એકત્રિત કરવા માટે 3.6 મિલિયન સગર્ભા સ્ત્રીઓ પર કરવામાં આવેલા અભ્યાસની સમીક્ષા કરી. તેમાંથી 128,000 મહિલાઓએ અગાઉ સગર્ભાવસ્થા હાયપરટેન્શનનો ભોગ બની હતી.

રિસર્ચના પરિણામો શું કહે છે?
સંશોધનકારોએ શોધી કાઢ્યું છે, કે હાઈ બ્લડપ્રેશર ધરાવતી સ્ત્રીઓને સગર્ભાવસ્થા દરમિયાન હાઈ બ્લડ પ્રેશર ન ધરાવતા મહિલાઓની તુલનામાં હૃદયરોગનું જોખમ વધારે હોય છે, જ્યારે 46 ટકાથી વધુ સ્ત્રીઓને કોરોનરી હૃદય રોગનું જોખમ વધારે છે. તે જ સમયે, એક કરતા વધુ સગર્ભાવસ્થાવાળી સ્ત્રીઓમાં હાઈ બ્લડ પ્રેશરથી હૃદયરોગનું જોખમ 81 ટકાથી વધુ હોવાનું જોવા મળ્યું છે.

આ મહિલાઓમાં કોરોનરી હાર્ટ ડિસીઝનું જોખમ 83 ટકા જોવા મળ્યું હતું જ્યારે હાર્ટ ફેઇલ થવાનું જોખમ 77 ટકા કરતા વધારે હતું. અમેરિકન હાર્ટ એસોસિએશનના જર્નલમાં આ અભ્યાસના પરિણામો પ્રકાશિત થયા છે.

Leave a Reply